الشاعر البلوعة المدمر ؛ شارلس بيكوفسكي

c'est l'auteur de ces vers

تاعب وفادد و قالق

مانعرفش علاه ممكن "كريز لاترونتان"

فاش قاعد نعمل ؟ اش باش نعمل غدوا وعام الجاي

هل هاذي العيشة الى حبيتها ؟

طارتلي النفحة من الخدمة ومن القراية ومن تونس ومن باريس ومن كل مسهولية عائلية

اجري اجري اجري ومن بعد ؟

حتى الشراب كرهتو ، عندي اكثر من شهرين ماذقتو، المشكلة ماهيش في الشرب المشكلة اللي داير بالشراب

حياتنا مسطرة حتى ولو ظهرلك الي انتي تختار ، فاش تختار؟

ما يفرهدني كان هالكاتب المدمر

كيف نقراه نولي كلوشار ونحلم بحياة ماهيش منظمة فوضوية وكلها حرية

حرية انك تكون كلوشار

شارل بيكوفسكي وقتي اللي جابو "برنارد بيفو" كان بالعو ميت وعندو دبوسة في شكارة كاغظ وقتلو فددوه خرج ومن بعدها رد وبعد جبد عليهم سكينة


بيكوفسكي كان كلوشار اما ماكانش يكتب للكلوشارات كيفو

هو يكتب للناس الي حياتهم منظمة و عمرهم ما ينجمو يوليو كلوشارات

بيكوفسكي كان يعرف وانا نعرف زادا

ايا نخليكم مع تلخيص مقتضب لقصة عروس البحر من كتابو حكايات في الهبال اليومي

برشا عباد باش يتشوكاو من الفظاعة متاع الدمار متاع القصة

تبكي تضحك ولا تقول ملا هبال

هذاك هو بيكوفسكي

حكايات كلوشارباش يقراوهم عباد منظمين برشا

زوز منيكيين قاعدين يسكرو ويحكيو على الدنيا ، يقانصو باب متاع صبيطار بالضبط بيت اموات، يغافلو الفرملية ويسرقو الميت ، يبلعو في الكرهبة ، يعريو عليه : مرا مزيانة وزبورة، يحبو ينيكوها ، وين ؟ في البحر ، يدخل واحد منهم بيها في البحر و تطفو الجثة متاعها كيف عروس البحرتحت غروب شمس لوس انجلس